Kò sí alàgàta, nínú ẹ̀sìn Islām, láàrin Ọlọ́hun àti ẹrúsìn Rẹ̀

×

Error message

Deprecated function: Function create_function() is deprecated in views_php_handler_field->pre_render() (line 202 of /var/www/drupal7-websites/sites/all/modules/contrib/views_php/plugins/views/views_php_handler_field.inc).

Ọ̀pọ̀lọpọ̀ ẹ̀sìn (yàtọ̀ sí ẹ̀sìn Islām) ni ó gbé ọlá nínú ẹ̀sìn fún àwọn ènìyàn pàtàkì kan lórí elòmíràn yàtọ̀ sí wọn, tí ó sì so ìjọsìn àwọn ènìyàn àti ìgbàgbọ̀ wọn mọ́ ìyọ́nú àwọn ènìyàn pàtàkì wọ̀nyẹn àti ìfọwọ́sí wọn. Àwọn (ènìyàn pàtàkì) yẹn -níbamu sí àwọn ẹ̀sìn yìí- ni alàgàta láàrin wọn àti Ọlọ́hun. Àwọn ni wọ́n máa ń ṣe àforíjìn ẹ̀ṣẹ̀ àwọn ènìyàn, kódà wọ́n tún le mọ ìkọ̀kọ̀ -gẹ́gẹ́ bí ó ti jẹ́ pé èyí ni àpèmọ́ra ìbàjẹ́ wọn-, wọ́n sì máa ń ka yíyapa wọn sí okùnfà òfò tí ó fi ojú hàn.

Lẹ́yìn náà ẹ̀sìn Islām dé, ó pọ́n ènìyàn lé, ó sì gbé ipò rẹ̀ ga, ó sì ba síso oríire àwọn ènìyàn, gbígba ìrònúpìwàdà wọn àti ìjọsìn wọn mọ́ àwọn ènìyàn kan, bí ó ti wulẹ̀ kí ọlá wọn àti ìjẹ́ ẹni rere wọn tó, jẹ́.

Àwọn ìjọsìn Mùsùlùmí, láàrin rẹ̀ àti Ọlọ́hun, ẹni kankan kò ní ọlá tàbí ìjẹ́ alàgàta nínú rẹ̀. Ọlọ́hun, mímọ́ ni fún Un, súnmọ́ àwọn ẹrúsìn Rẹ̀. Ó ń gbọ́ ìpè ẹrúsìn Rẹ̀, Ó ń dá a lóhùn. Ó ń rí ìrun kíkí rẹ̀, yóò sì san án ní ẹ̀san lórí rẹ̀. Kò sì ènìyàn kankan tí ó ní ìkápá lórí ṣíṣe àforíjìn ẹ̀ṣẹ̀ àti gbígba ìrònúpìwàdà. Ní òpin ìgbà tí ẹrúsìn Ọlọ́hun bá ti ronúpìwàdà, tí ó sì ṣe àfọ̀mọ́ ọkàn rẹ̀ fún Ọlọ́hun,  Ọlọ́hun yóò gba ìrònúpìwàdà rẹ̀, yóò sì ṣe àforíjìn fún un. Kò sí ẹnìkan tí ó ní agbára ìyanu àti ìlapa nínú dídarí ayé. Ṣúgbọ́n gbogbo agbára pátá ń bẹ ní Ọwọ́ Ọlọ́hun.    

Bẹ́ẹ̀ ni ẹ̀sìn Islām tún tú làákàyè Mùsùlùmí sílẹ̀ nínú ìgbèkún, ó sì pè é lọ síbi àròjinlẹ̀, ṣíṣe làákàyè àti wíwá ìdájọ́ lọ sínú Al-Qur’ān àti ohun tí ó fi ẹsẹ̀ múlẹ̀ nínú àwọn ọ̀rọ̀ àti ìṣe Ànábì -kí ìkẹ́ àti ọlà Ọlọ́hun máa bá a- nígbà tí ìyapa ẹnu bá wà. Kò sí ẹnìkankan tí ó ni ìkápá òdodo pọnbele, tí ó ṣe ọ̀ranyàn kí á tẹríba fún àṣẹ rẹ̀ níbi gbogbo ohun tí ó bá sọ àyàfi Ìránṣẹ́ Ọlọ́hun -kí ìkẹ́ àti ọlà Ọlọ́hun máa bá a-. Nítorí pé dájúdájú òun kì i sọ̀rọ̀ pẹ̀lú ìfẹ́-inú rẹ̀, ṣùgbọ́n pẹ̀lú iṣẹ́-rírán àti ìdarí láti ọ̀dọ̀ Ọlọ́hun, Ọba Abiyì, tí Ó gbọn-n-gbọ́n. Gẹ́gẹ́ bí Ọlọ́hun, Ọba tí ọlá Rẹ̀ ga, ti wí pé: “Àti pé (Ìránṣẹ́ Ọlọ́hun) kì í sọ̀rọ̀ látara ìfẹ́-inú. Ohun (tí ó bá sọ) kò jẹ́ nǹkankan bíkòṣe iṣẹ́ tí a fi ránṣẹ́ (sí i)” {An-Najm: 3-4}.   

Kín ni ó tún wá tóbi tó ìdẹ̀ra Ọlọ́hun lórí wa pẹ̀lú ẹ̀sìn yìí, èyí tí ó bá àdámọ́ àwọn ẹ̀mí mu, tí ó sì pọ́n ènìyàn lé, tí ó tún ṣe é ní ọ̀gá ara rẹ̀, tí ó sì sọ ọ́ di òmìnira kúrò níbi ìmúnisìn àti ìtẹríba fún ẹlòmírà yàtọ̀ sí Ọlọ́hun, Ọba Abiyì, tí Ó gbọn-n-gbọ́n.

Ìtọ́ka Mùsùlùmí tí a ṣe ní ìrọ̀rùn

Ààyè Ìtọ́ka Mùsùlùmí tí a ṣe ní ìrọ̀rùn jẹ́ ẹ̀dà orí ẹ̀rọ ayé-lu-jára láti inú ìwé (Ìtọ́ka Mùsùlùmí tí a ṣe ní ìrọ̀rùn). Ó sì jẹ́ ọ̀kan lára àwọn iṣẹ ilé-iṣẹ́ ìtọ́ka ìgbàlódé. A sì ti tẹ̀ ẹ́ jáde pẹ̀lú èdè tó ju 15 lọ. A tún ti mú àkóónú rẹ̀ wá lórí ọlọ́kan-ò-jọ̀kan nínú àwọn ìkànnì ẹ̀rọ ayé-lu-jára tó yanrannti

Modern Guide