Ìtọ́ka Mùsùlùmí tí a ṣe ní ìrọ̀rùn

Error message

Deprecated function: Array and string offset access syntax with curly braces is deprecated in include_once() (line 3493 of /www/wwwroot/drupal7/includes/bootstrap.inc).

Deprecated function: Function create_function() is deprecated in views_php_handler_field->pre_render() (line 202 of /www/wwwroot/drupal7/sites/all/modules/contrib/views_php/plugins/views/views_php_handler_field.inc).

Notice: Trying to access array offset on value of type null in scssc->sortArgs() (line 1624 of /www/wwwroot/drupal7/sites/imuslimguide.com/themes/superhero/includes/scss.inc.php).

Ipò ènìyàn tí ó tóbi jùlọ ni kí ó máa jọ́sìn fún Ọlọ́hun Allāh, kí ó sì máa tẹ̀lé àwọn àṣẹ Rẹ̀. Níbẹ̀ ni dáadáa ayé àti ti ọ̀run wà. Nítorí pé ìrọ̀rún ni gbogbo ohun tí ẹ̀sìn (Islām) mú wá, oore ni gbogbo rẹ̀, dáadáa sì ni gbogbo rẹ̀.

Jíjọ́sìn fún Ọlọ́hun yìí, èyí tí ó kó gbogbo ẹka ìṣẹ̀mí-ayé sínú, ṣe ọ̀ranyàn kí ó jẹ̀ lórí ìmọ̀ àti àmọ̀dájú. Nítorí kí ẹ̀san (tí ènìyàn yóò gbà) lórí rẹ̀ le pé, kí ó sì la ènìyàn kúrò níbi àṣìṣe àti ìṣìnà. Ọlọ́hun, Ọba tí Ọlá Rẹ̀ ga, sọ wí pé:

“Nítorí náà ẹnikẹ́ni tí ó bá ń rankàn Ìpàdè Ọlọ́hun Ọba rẹ̀, kí ó yáa máa ṣe iṣẹ́ dáadáa, kí ó sì má ṣe ẹbọ kankan pẹ̀lú ìjọsìn fun Ọlọ́hun Ọba rẹ̀”.

Dídára iṣẹ́ sì ni kí ó wà ní ìbámu sí ọ̀nà tí ó ṣe déédé, gẹ́gẹ́ bí Ọlọ́hun ti pàṣẹ nínú Tírà Rẹ̀, tí Ìránṣẹ́ Rẹ̀ -kí ìkẹ́ àti ọlà Ọlọ́hun máa bá a- sì kọ́ wa (nínú Sunnah rẹ̀). Gbogbo oore pátá ń bẹ níbi títẹ̀lé e, àti títọ ìlànà àti ipasẹ̀ rẹ̀.

Fún ìdí èyí, kí Mùsùlùmí kọ́ nípa àwọn ìdájọ́ ẹ̀sìn rẹ̀, jẹ́ ọ̀kan nínú ìdẹ̀ra Ọlọ́hun tí ó tóbi jùlọ, àti ẹ̀bùn láti ọ̀dọ̀ Ọlọ́hun. Dájúdájú Ànábí -kí ìkẹ́ àti ọlà Ọlọ́hun máa bá a- sọ wí pé: “Ẹnikẹ́ni tí Ọlọ́hun bá gba èrò rere rò, yóò fún un ní àgbọ̀yé ẹ̀sìn”.

Dájúdájú a ti gbìyànjú, nínú tírà yìí, láti mẹ́nu ba gbogbo àwọn ẹ̀kọ́ ẹ̀sìn Islām tí ó pàtàkì; nínú àwọn ìròrí ni, àwọn àdìsọ́kàn, àwọn òfin ẹ̀sìn, àti àwọn ìhùwàsí, ní ọ̀nà tí ó rọrùn, tí èròńgbà rẹ̀ sì hàn kedere, tí àwọn ìlànà àti ìgbésẹ̀ rẹ̀ sì mọ níwọn, pẹ̀lú àwọn àwòrán, èyí tí yóò jẹ́ kí àgbọ́yé rẹ̀ àti ríronú sí àwọn ìtumọ̀ rẹ̀ kún sí i. Nítorí kí ó le jẹ́ orísun ẹ̀kọ́ tí gbogbo Mùsùlùmí yóò máa jẹ̀rán rẹ̀ ní ọ̀nà-kọnà tí wọn le wà.

Pẹ̀lú ìrànlọ́wọ́ Ọlọ́hun, dájúdájú wà á rí i pé tírà tí ó wà ní iwájú rẹ̀ yìí gbìyànjú láti fí ìlànà Al-Qur’ān nípa ṣíṣàlàyé àwọn ìdájọ́ àti àwọn òfin ẹ̀sìn Islām mọ̀ wá. Nítorí náà kò kanpá mọ́ ohun tí ó ṣe ọ̀ranyàn kí á ṣe tàbì kí á fi sìlẹ̀ nìkan, ṣùgbọ́n, ní àfikún sí eléyìí, ó ṣàlàyé àṣírí tí ń bẹ́ ní abẹ́ àwọn ìjọsìn náà, èròńgbà rẹ̀ àti orípa rẹ̀. Ó tún fèsìn sí àwọn ìbéèrè tí ó pàtàkì gan-an nípa ẹ̀kọ́ ẹ̀sìn Islām. Ní pàtàkì jùlọ ní àsìkò yìí tí ó ń yára yípadà. Bíi: Kílódé? Báwo? Àti pé kín ni ohun tí ó ṣe ọ̀ranyàn lórí mi nígbà tí àwọn ìṣesí bá yípadà?
À ń bẹ Ọlọ́hun, Oníbùkún, Ọba tí ọlá Rẹ̀ ga, kí Ó jẹ́ kí èròńgbà wa bá tí Ẹ̀ mu, kí Ó sì tún iṣẹ́ wa ṣe, kí Ó sì fi wá mọ̀nà lọ síbi ìwà, ọ̀rọ̀ àti ìṣe tí ó dára jùlọ. Kò sí ẹni tí ó le fi ènìyàn mọ̀nà lọ síbẹ̀ àyàfi Òun nìkan. Kí Ó sì gbé aburú rẹ̀ jìnnà sí wa, kò sí ẹni tí ó le gbé aburú rẹ̀ jìnnà sí wa àyàfi Òun nìkan. Kí ìkẹ́ àti ọlà Ọlọ́hun máa bá Ìránṣẹ́ Rẹ̀, ẹ̀ni tí Ọlọ́hun Ọba rẹ̀ pa á láṣẹ pé kí ó tọrọ pé: “Ìrẹ Ọlọ́hun Ọba mi! Ṣe àlékún ìmọ̀ fún mí’’.

Error message

Modern Guide

Àwọn èdè

You are here

Error message