JAGORAN MUSULMIN ZAMANI | Littafin da Yake Bayyana Addinin Musulunci A Sauqaqe

Error message

Deprecated function: Array and string offset access syntax with curly braces is deprecated in include_once() (line 3493 of /www/wwwroot/drupal7/includes/bootstrap.inc).

Deprecated function: Function create_function() is deprecated in views_php_handler_field->pre_render() (line 202 of /www/wwwroot/drupal7/sites/all/modules/contrib/views_php/plugins/views/views_php_handler_field.inc).

Notice: Trying to access array offset on value of type null in scssc->sortArgs() (line 1624 of /www/wwwroot/drupal7/sites/imuslimguide.com/themes/superhero/includes/scss.inc.php).

Mafi girma da xaukakar matsayin mutum a wurin Allah Maxaukakin Sarki, shi ne zamansa bawa mai xa’a da biyayya ga umarce-umarcensa. Ta wannan hanya ce kaxai duniya da Lahirarsa za su yi kyau. Shi kuwa addini dukansa sauqi ne, alhairi ne, kuma gyara ne ciki da waje

To,wannan bauta kuwa, da take da alaqa ta ruwa da tsaki da gaba xayan sasannin rayuwa, wajibi ne a yi ta alá basíratin; ba cikin jahilci ba. Ta haka ne kawai za a iya samun cikakkiyar lada a kuma tsere wa faxa ma talalaviya da miyagun tuvatuvi. Tabbacin wannan kuwa shi ne faxar Allah Maxaukakin Sarki: “Duk wanda ke son haxuwa da kyakkyawan sakamakon Ubangijinsa, to, ya aikata aiki na qwarai. Kada kuma ya yi ma wani gurbi a cikin bautar Ubangijinsa.” Ba kuwa yadda za a yi, aikin ibada ya karva sunansa, sai idan an yi shi a kan hanya madaidaiciya; yadda Allah Maxaukakin Sarki ya yi umarni a cikin littafinsa, Manzon Allah sallallahu alaihi wa sallam kuma ya karantar da mu. Alhairi kuwa, kowane iri ne, babu yadda za a yi a same shi, sai idan an yi biyayya ga Sunna da tafarkin Annabi sallallahu alaihi wa sallam

Wannan ya isa dalili da yake tabbatar da wajabcin miqewar mutum ya nemi sanin hukunce-hukuncen addininsa. Samun wannan dama da iko, wata babbar ni’ima ce, da gagarumar gudunmawa daga wurin Allah Ubangijinsa. Tabbacin wannan kuwa shi ne faxar Manzon Allah sallallahu alaihi wa sallam: “Duk wanda Allah yake nufi da samun alhairi, zai sanar da shi makamar addini.”

Saboda haka ne, muka yi kwaxayi, muka kuma bayar da himma matuqa a cikin wannan littafi, muka kawo bayanin kusan duk wani abu mai muhimmanci, da yake da alaqa da Musulunci. Waxannan abubuwa sun haxa da hasashe-hasashe, da aqidoji, da shari’o’i, da xabi’u. Mun kuma kawo waxannan bayanai ne ta hanyoyi masu sauqin fahimta da ganewa da fitowa da abin nufi, fili qarara, ba tare da munaqisa ba. Mun kuma qara ma wannan aiki armashi ta hanyar hotuna da suke qara taimakawa don gane abin nufi, da iya hasashen ma’anoni. Fatarmu ita ce, littafin ya zama wani marji’í, kuma jagora na karantarwa mai saka karsashi ga Musulmi komai yawan banbancin qwarewar da take a tsakanin rukunansu.

Da sannu idan kana karatun wannan littafi da yake hannunka, za ka fahimci irin yadda yake tafiya a kan tsarin Alqur’ani ta hanyar kawo hukunce-hukuncen addini da shari’o’insa, tare da fitowa da hikimomi da manofofi da saqonnin da suke qunshe a cikin su. Bugu da qari yana amsa tambayoyi masu matuqar muhimmanci da share faqon fahimta da gane makamar addini, musamman a wannan zamani namu mai yawan juye-juye. Waxannan tambayoyi sun haxa: Me ya sa abu kaza ya faru? Yaya aka yi ya faru? Me kuma yake wajaba a kaina idan yanayi ya xauki sabon salo?

A qarshe, muna roqon Allah Maxaukakin Sarki ya kyautata niyyoyinmu, ya inganta ayyukanmu, ya kuma xora mu a kan turbar kyawawan halaye da nagartattun zantuka da ayyuka, irin waxanda babu mai iya xora mutum a kan turbarsu, sai shi. Ya kuma nisantar da mu daga miyagun ayyuka, irin waxanda babu mai iya nisantar da bawa daga gare su, sai shi Allah tabaraka wa ta’alah.

Allah ya daxa tsira da aminci ga Manzonsa, wanda Ubangijinsa ya umarce shi da xaga hannu ya roqe shi cewa: “Ya Ubangijina! ka qara mini ilimi”

Error message

دليل المسلم الميسر

Modern Guide

Languages

You are here

Error message

دليل المسلم الميسر

Modern Guide

Languages