You are here

Nyakati ambazo imekatazwa kuswali swala za sunna

Wakati wowote inafaa kwa Muislamu kuswali swala yeyote ya sunna isipokuwa nyakati ambazo Uislamu umekataza kuswali katika nyakati hizo, kwa sababu ni nyakati za ibada za  makafiri. Haitakiwi kuswali katika nyakati hizo isipokuwa tu kulipa faradhi zilizompita au swala za sunna ambazo zina sababu maalumu kama vile swala ya maamkizi ya msikiti. Katazo hili ni la swala. Ama kumtaja Allah na kumuomba hilo linaruhusiwa muda na wakati wowote.

Nyakati ambazo imekatazwa kuswali ni kama ifuatavyo:

  1. Baada ya swala ya Alfajiri mpaka jua kuchomoza na kunyanyuka kidogo angani kiasi ambacho katika sheria kimeainishwa kwamba ni kiasi cha mkuki. Katika nchi zilio tambarare unyanyukaji huu wa jua unapatikana kwa karibu dakika 20 baada ya kuchomoza.
  2. Jua linapokuwa limesimama sawasawa mpaka litakapo kengeuka. Huo ni muda mfupi kuelekea kuingia kwa wakati wa swala ya Adhuhuri.
  3. Baada ya swala ya Alasiri mpaka jua lizame.

Uislamu umekataza kuswali baada ya Alasiri hadi jua lizame.

Mwongozo Mwepesi wa Muislam

Mtandao wa Mwongozo Mwepesi wa Muislam ni kitabu cha Mtandaoni cha kitabu asili ‘Mwongozo Mwepesi wa Muislam’ ambacho ni moja ya mradi wa Kampuni ya Mwongozo wa Kisasa na kimetolewa katika Lugha Zaidi ya 15 na maudhui yake yameambatana na ujuzi mkubwa wa kimtandao katika kufikisha.

الدليل المعاصر