بچوں کے حقوق

والد پر یہ ضروری ہے کہ وہ جانے کہ اس کا اپنے بچوں پر خرچ کرنا اور ان کو خوش رکھنا عبادت ہے اور اس پر انسان کو اجر دیا جاتا ہے۔

  • نیک بیوی کا انتخاب کرنا، تاکہ وہ نیک ماں بنے، یہ باپ کی طرف سے اپنے بچوں کے لیے بڑا تحفہ ہے۔
  • بچوں کے ليے اچھے اور خوبصورت ناموں کا انتخاب کرنا کیونکہ یہ بچے کی پہچان ہو گی۔
  • ان کی تربیت کرنا اور انھیں دین کی بنیادی باتیں سکھانا اور ان کے دل میں اس کی محبت پیدا کرنا، نبی ﷺ نے فرمایا:۔ ((تم میں سے ہر شخص ذمہ دار ہے، اور وہ اپنی ما تحت کے بارے میں پوچھا جائے گا ہے، جو لوگوں پر امیر ہے وہ ان کا ذمہّ دار ہے اور ان سے متعلق اس سےسوال کیا جائے گا۔
  • اور مرد اپنے گھر میں اپنے اہل خانہ کا ذمہّ دار ہے، وہ ان سے متعلق سوال کیا جائے گا اور عورت خاوند کے گھر اور بچوں کی ذمہّ دار ہے اور وہ ان سے متعلق سوال کی جائے گی اور غلام اپنے آقا کے مال کا ذمہّ دار ہے اور وہ اس کے بارے سوال کی جائے گا۔
  • سنو تم میں سے ہر ایک ذمہ دار ہے اور ہر ایک اپنی رعایا کی ذمہّ داری کے تعلق سے جواب دہ ہے))۔ (البخاري: 2416، مسلم: 1829). والدین اپنے بچوں کی تربیت کی ابتداء اہم بات سے کریں، پھر اس کے بعد والی بات سے، اس طرح ان کی تربیت کی ابتداء صحیح عقیدہ سے کریں جو شرک و بدعات سے خالی ہو، پھر عبادات خصوصاً نماز کی تلقین کریں، پھر انھیں اخلاق و آداب کی تعلیم دیں اور اس بات کا اہتمام کریں کہ ان کی تربیت ہر خیر و فضیلت والی بات پر ہو اور یہ اللہ کے پاس اشرف ترین عمل ہے۔
  • خرچ: والد پر ضروری ہے کہ اپنے لڑکے اور لڑکیوں پر خرچ کرے، اس کے ليے یہ بات جائز نہیں کہ اس معاملہ میں کو تاہی سے کام لے اور نہ اس کے اندر کسی قسم کا نقصان ہو، بلکہ احسن طریقہ سے بقدر استطاعت اس کو انجام دے، رسول اللہ ﷺ نے فرمایا:۔ ((آدمی کے گناہ کے لئے کافی ہے کہ وہ ان کو ضائع کر دے جن کو وہ خوراک دیتا ہے))۔(أبو داود: 1692). نیز آپ ﷺ نے لڑکیوں پر انفاق اور ان کی نگہداشت کی بابت فرمایا:۔ ((جو شخص بیٹییوں کی سرپر ستی کرے اور ان کے ساتھ اچھا سلوک کرے تو وہ قیامت کے دن دوزخ سے اس کا بچاؤ ہوں گی))۔     (البخاري: 5649، مسلم: 2629).
  • اپنی اولاد کے درمیان مساوات سے کام لے، چاہے وہ لڑکے ہوں یا لڑکیاں، جیسا کہ آپ ﷺ نے فرمایا: ((اللہ سے ڈرو اور اپنے بچوں میں عدل وانصاف سے کام لو))۔ (البخاري: 2447، مسلم: 1623)۔ یہ جائز نہیں کہ لڑکیوں کو لڑکوں پر فضیلت دیں اور نہ لڑکوں کو لڑکیوں پر ترجیح دیں کیونکہ اس کی وجہ سے اللہ ہی کو معلوم کتنی خرابیاں لازم آتی ہیں۔

آسان رہنمائے مسلم

آسان رہنمائے مسلم کی ویب سائٹ کتاب "آسان رہنمائے مسلم" کا الکٹرانک نسخہ ہے۔ یہ شرکۃ الدلیل المعاصر کا ایک پروجیکٹ ہے، جسے زائد از پندرہ زبانوں میں تیار کیا گیا ہے، اور اس کے مشمولات متعدد معیاری الکٹرانک شکلوں میں موجود ہیں۔